Jumadon zanwuyekalo tile 26, Iyɛnipɛsi sɛriwisi min ɲɛsinne do baarakɛlaw ma, o ye fanani kɛ baarakɛla 39 yɛ minnu bolo bɔra baara la 2023 san.

Lajɛrɛ in kɛra Iyɛnipɛsi ɲɛmɔgoyaso la.
A ɲɛmɔgɔya tun bɛ Iyɛnipɛsi ɲɛmɔgɔba Usumani Karimu Kulubali bolo.

Minnun bolo bɔra baara la, Ibarahimu Jara ye kuma ta olu tɔgɔ la.

A ye ɲɛmɔgɔyaso n’a baarakɛɲɔgɔnw waleɲuman dɔn. A ko Iyɛnipɛsi ka kan k’i wasa do sifinnakaw la yasa ka cakɛda layɛlɛ sanfɛ ka tɛmɛ kɔrɔle kan.
Jarakɛ tun kɛra Iyɛnipɛsi Maraboloɲɛmɔgɔ ye, a tun kɛra Baarakɛlaw koɲɛ ɲɛnɛbɔsɛriwisi ɲɛmɔgɔ ye. O bɛɛ kofɛ, a kɛra ɲɛmɔgɔdaagan ye Iyɛnipɛsi warikafoyɔrɔ la.
A ka kuma laban la, a ye yaafa ɲini a baraɲɔgɔnkɔrɔw fɛ n’a y’a sɔrɔ a donna u gasi la.

Ɲɛmɔgɔba Usumani Karimu Kulubali ye waleɲumandɔn kɛ ka ɲɛsin minnu bolo bɔra baara la ma, ka sababu kɛ u ka tilenneya ye jamana yɛ ani u ka baara ɲuman ye. Iyɛnipɛsi ɲɛmɔgɔba kilara ka dubabu kɛ mɔgɔ 39 ninnu ye ani minnu bɛ baara la halisa. Mɔgɔw sɔrɔ la ka baarakɛlakɔrɔw tanuni kuma fɔ. O kuma ninnu ye lajɛrɛ sankɔrɔ ta.

Ladiyalifɛnw dira u ma, ka kila ka foto ta.

Fatumata So, Jama tɔgɔla sɛriwisi